-- ADVERTISEMENT --
KALIBO, Aklan—Nagapangatubang sa kasong pag-eabag sa Presidential Decree 449 ukon Illegal Cockfighting ro limang ka mga indibidwal matapos nga madakpan nga nagapabueo-bueo it manok sa Brgy. Linabuan Norte, Kalibo.
Gin-aresto it Kalibo PNP sanday Leonardo Cawaling, 55-anyos; Joel Motus, 55-anyos; Reynold Beltran, 43-anyos; Johnny Dela Cruz, 40-anyos ag Niño Paderes, 35-anyos ag parehong mga residente it nasambit nga lugar.
Narekober sa area ro daywang ka manok nga pang bueang ag an-om nga bueang nga imaw ro ginatakod sa manok agud nga makatama sa kontra sa oras nga magsampok ro magtimbang nga parte.
Ro nasambit nga mga indibidwal hay presenteng nakakulong sa locked up cell it Kalibo Police Station para sa nagakaigong disposisyon.
