-- ADVERTISEMENT --
KALIBO, Aklan–Arestado ro sangka 55-anyos nga eaeaki matapos nga magpangbuyayaw it sangka hotel manager ag nagpakilaeang major ko Enery 13, 2023.
Nakilaea ro suspek nga si Pedro Jimmy Mabacquiao Jr. ag tumandok it Molo, Iloilo.
Suno sa suspek, regular imaw nga costumer it natungdan nga hotel sa Brgy. Old Buswang, Kalibo kung siin dismayado sigon imaw matapos nga owa mailista ro anang reservation.
Dugang pa it suspek nga maga-file man imaw it counter blotter matapos ginsakit sigon imaw it mga miyembro it SWAT.
Si Mabacquiao hay na-hospital arrest ag ko ulihi hay ginpaidaeom sa inquest proceedings.
-- ADVERTISEMENT --
Magapangatubang raya sa daywang ka mga kaso partikular ro Usurpation of Authority ag Unjust Vexation.
