Magatao ro Amerika it US$70 million assistance para sa military infrastructure program it Pilipinas sa masunod nga daywang dag-on.
Raya ro ginkumpirma ni US Ambassador to the Philippines Mary Kay Carlson kadungan it pagpahayag it kahauman it US nga magbulig sa nasyon samtang naga-usoy raya it dugang nga tikang para mapaeapad pa ro Enhanced Defense Cooperation Agreement (EDCA) ag mapasanyog pa ro kooperasyon it daywang nasyon.
Suno pa sa envoy nga ro nasambit nga improvements hay gindisenyo para sa cooperative defense capacities ag support Humanitarian Assistance Disaster Response activities para masabat ro kinahangeanon it Armed Forces of the Philippines ag it alliance kara.
Ginpahayag dugang man it envoy nga si Department of National Defense Office-in-Charge Jose Faustino Jr. ro magadesisyon kung siin nga proyekto igataeana ro nasambit nga assistance apang gi-engganyo ro military it nasyon nga sayuron ro mga programa nga makasiguro para sa seguridad it publiko, water security ag territorial integrity.
