8 namatay sa pagbagbag it charter plane sa Western Alaska

Patay ro waeong katawo matapos nga bumagbag ro sangka charter plane sa western Alaska.

Suno sa Federal Aviation Administration nga halin sa Anchorage, Alaska ag paadto kunta sa Cape Newenham ro Cessna 441 nga eroplano kat raya hay bumagbag.

Ginpahayag ni Clint Johnson ro hepe it National Transportation Safety Board it Alaska region, nga ro mga biktima hay ginakaeakipan it daywang piloto ag an-om nga pasahero.

Ro nasambit nga eroplano hay sangka civilian-contracted flight nga may kargang waeong katawo.

Pilang minute eon lang antes mag-landing ro eroplano sa Cape Newenham Airport nga sangka Air Force airstrip kat gulpi raya nga bumagbag.

Padayon mat-a nga ginaimbestigahan it mga otoridad ro rason it nasambit nga pagbagbag it eroplano.