NATIONAL News — Ginpaabot it Commission on Elections (Comelec) nga nag-abot eon sa nasyon ro kapin sa 80,000 halin sa kabilugan nga 110,000 nga automated counting machines (ACMs) para sa 2025 national and local elections.
Ro ACMs hay pagagamiton para sa eleksyon sa masunod nga dag-on ag sa Bangsamoro Autonomous Region in Muslim Mindanao parliamentary elections.
Suno kay Comelec Chairperson George Garcia nga ro printing it 1.2 milyong test ballots hay ginaeauman nga makumpleto sa sueod it tatlong adlaw.
Ro mga raya hay pagagamiton para sa nationwide information campaign sa paggamit it ACMs.
Samtang, nakumpleto eon it service provider nga Miru Systems ro pag-manufacture it 105,000 ACMs sa South Korea.
“So by the end of November, for sure everything will be delivered to the Biñan warehouse. That is at least a month ahead of schedule, pahayag ni Garcia.”
Dugang pa ni Garcia nga may una nga 68 milyong registered voters sa bilog nga nasyon sa makaron.
Suno sa Comelec, maga-imprenta sanda it balota base sa numero it mga botante nga nakataeana nga maga-umpisa sa Disyembre.
