KALIBO, Aklan — Mag-eowas sa paglimita sa mga turista sa Isla it Boracay, igabawae eon man ro mga stay-in workers sa isla.
Sa interview it Bombo Radyo, ginpahayag ni Community Environment and Natural Resources Office (CENRO)-Boracay head Atty. Richard Fabila nga nagaabot eon lang sa 55,000 nga indibidwal ro carrying capacity ukon masarangang batunon sa isla, kon siin 36,000 kara hay mga residente samtang 19,000 ro mga turista.
Nakikipag-angot eon sigon ro inter-agency task force sa management it mga ho-tels ag iba pang establisimento agud mausuyan it relokasyon ro andang mga trabahador sa mainland Malay.
Mag-eowas kara, padayon ro andang panawagan sa mga iligal nga naga-istar sa wetlands sa Boracay nga i-demolish eon ro andang mga ilistaran.
Ginalikawan sigon nanda ro overcrowding ag polusyon sa isla nga nagapangunang tourist destination sa nasyon.
