KALIBO, Aklan — Magapakalhit ro Department of Environment and Natural Resources (DENR) it kapin sa 20 environmental enforcers sa igapatigayong dry run sa Oktubre 15 para sa re-opening it Boracay sa Oktubre 26.
Suno kay Environment Secretary Roy Cimatu, katuyuan kara nga masigurong maipatuman it tama ro mga polisiya sa uman nga pagbukas it isla.
Pagahimuon sigon nga model ro ginhimong rehabilitasyon sa Boracay sa iba pang mga tourist destination sa nasyon.
Magabutang man sanda it permanent office sa Cagban area agud matutukan it mayad ro pagahimuong monthly inspection sa kalidad it tubi ag mga compliant nga establisiemento.
Sa pihak nga parte, ginklaro ni Cimatu nga ro mga walk-in nga mga lokal nga turista kapin eon ro mga Aklanon nga magasueod sa isla sa dry run hay indi pagpasugtang mag-overnight.
Ginaeauman sigon nga mapuno ro gintaeanang 1,000 rooms nga pagabuksan sa dry run.
Ginpahayag it sekretaryo nga dikara masayuran ro kalidad it sewage systems it mga compliant nha hotels.
Samtang, may 34 diyas eon lang ro nabilin para sa Boracay re-opening countdown.
