Kalibo Aklan ——Ginlaygayan it Philippine Coast Guard (PCG-Aklan) ro mga magabiyahe nga magsuksok it face shield.
Suno kay Senior Chief Petty Officer Dominador Salvino it Philippine Coast Guard (PCG-Aklan) nga raya hay kasunod it mandu it Department of Transportation (DOTr) sa instriktong implementasyon it mandatory nga pagsuksok it face shields sa tanan nga mga biyahero sa pampublikong transportasyon umpisa sa Agosto 15, 2020.
Raya hay mag-eowas pa suno kana sa pagsunod sa iba pang health protocols kapareho it paggamit it face masks ag pag-obserba sa physical distancing.
Dugang pa ni Salvino nga nakabutang pa sa memorandum it DOTr nga igapatuman eon sa Biyernes, Agosto 7, ro mandatory nga pagsuksok it face shields sa tanan nga mga magabiyahe pinaagi sa dagat kapareho it motorbanca patabok sa Isla it Boracay .
Bangud kara, magapatuman sigon sanda it “no face shield, no ride policy” epektibo sa Biyernes nga adlaw .
Sa pihak nga parte, nagsakiri eon sigon makaron ro mga naga-uli nga mga Locally Stranded Individuals (LSI’s) bangud nga pila eamang sa mga raya ro makasarang nga magbayad sa Reverse Transcription Polymerase Chain Reaction (RT-PCR) test .
Para sa mga LSI’s, obligado sanda nga magsumite it travel authority nga gin isyu it Joint Covid-19 Shield, negatibong RT-PCR test ag certificate of acceptance halin sa LGUs nga may nagakaigo nga koordinasyon sa natungdan nga Barangay.
Mag-eowas kara, ro tanan nga mga LSI’s hay required man nga magpaidaeum sa mandatory nga daywang domingo nga home quarantine ukon sa accredited nga quarantine facility.
