Kalibo Aklan ———-Ginkasugtanan ko konseho it banwang Kalibo nga magbakae ro lokal nga gobyerno it RT-PCR machine nga imaw ro pagagamiton it mga pumueoyo nga gustong magpatest kon duda sanda nga infected it coronavirus disease (COVID-19).
Suno kay Kalibo SB member Agosto Tolentino, sambilog raya sa mga proposisyon nga ginkasugtanan ko mga miyembro it Sangguniang Bayan.
Mag-eowas kara, ginaduso man nga pagagamitong quarantine facility ro Aklan State University bangud sa kakueangan it quarantine facility sa banwa.
Ginpahayag dugang ni Tolentino nga bukon eamang it sa Kalibo ginaduso nga gamitong quarantine facility ro state university kundi maging sa ibang probinsya.
Sa pihak kara, bangud man sa nagapadayon nga epekto it Covid-19 hay kinahang-ean nga sa baeay eon lang anay mag-eskwela ro mga inonga pinaagi sa blended learning kon sa siin ro patok makaron hay modular learning.
Angot kara, plano it konseho nga magpanupod it 20 reams nga coupon bond sa kada elementary ag high school sa banwa it Kalibo agud nga makabulig sa mga manugturo sa pag-imprinta it mga modules.
