NATIONAL News—Ginpatalsik it PDP-Laban leadership ro pilang opisyal it grupo.
Sa ginpagguwa nga resolusyon it partido, ginpasakaan it expulsion sanday party vice chairman ag Energy Sec. Alfonso Cusi, deputy secretary general Melvin Matibag ag membership head nga si Astra Naik.
Suno kay PDP Laban Exec Dir. Ron Munsayac, ginkakas ro tatlo bangud sa pag-eabag sa party constitution.
Natueopangdanan nga owa ginpaboran it PDP-Laban president nga si Sen. Manny Pacquiao ro gusto nanday Cusi nga ubrahon nga standard bearer it grupo ro sangka outsider sa grupo nga si Davao City Mayor Sara Duterte-Carpio.
Kaibahan man sa resolusyon ro pagbasura sa sueod it ginpatigayun nga pagpueong ko Marso 31, 2021 sa Cebu ag ro paeaabuton nga meeting it PDP Laban National Council sa Hulyo 17, 2021.
Nasayuran nga ginpangunahan nanday Cusi ag Matibag ro nasambit nga pueong.
