NATIONAL News—Igabasura eon lang it Senate committee on foreign relations ro proposisyong laye nga tuyo nga mataw-an it pang-bilog nga kabuhi nga passport validity ro mga senior citizens.
Sa pagdungog it Senate panel, ginpahayag ni Maria Alnee Gamble it DFA office of consular affairs, nga base magtuga eamang it problema kung pagataw-an it “lifetime passport” ro mga senior citizen.
Malabo sigon raya nga kilaeahon it ibang nasyon bangud 10 dag-on eamang ro maximum validity it sangka pasaporte.
Pila sa basehan para sa obligadong renewal it travel documents ro pagbag-o it itsura it sangka indibidwal, pati eon ro mga patakaran nga gintaeana it mga nasyon nga anang gina-adtunan.
Dati eon sigon raya nga ginhimo sa Spain, apang nagtuga it maabo nga problema rason nga andang ginpundo.
Bangud kara, owa eon ginpadayun it komite sa Senado ro paghimay pa sa “passport for life bill.”
