NATIONAL News—Ginmando ni PNP Chief Police General Guillermo Lorenzo Eleazar ro pagbilog it Technical Working Group (TWG) agud nga tun-an ag i-eakip sa andang patakaran ro mga gintaeana it Korte Suprema angot sa paggamit it body-worn cameras (BWCs).
Ro PNP Directorate for Operations ag Directorate for Investigation and Detective Management ro ginmanduan nga mag-ubra it rekumendasyon sa kung sinu-sino ro magabilog sa TWG.
Ginmanduan man ni Eleazar ro TWG nga magbaeay it mga module nga pagagamiton sa practice kamana man sa mga seminar program angot sa legal nga aspeto sa pagpagamit it BWCs sa mga pulis nga nagbaton eon it andang unit ko nagtaliwan nga buean.
Sa makaron may una eon nga 2,696 body cameras ro nauna eon nga ginpanupod sa 171 police stations.
Tuyo it PNP sa paggamit it body-worn camera nga siguraduhon ro transparency ag pagiging lehitimo it mga ginapatigayun nga operasyon.
