OLYMPIC Update—Eubos ro pagpasaeamat ni Pinay weightlifting champion Hidilyn Diaz sa anang mga kaibahan nga naging yabe sa kadaeag-an kara para mabuoe ro kauna-unahang bueawan nga medalya it nasyon sa Tokyo Olympics.
Ginakaeakipan raya it anang coach nga si Jeaneth Aro bilang nutritionist, sports psychologist Dr. Karen Trinidad; weightlifting coach Kaiwen Gao at strenght and conditioning coach Julius Naranjo nga anang nobyo.
Suno kay Diaz, indi sigon imaw maka-survive sa pandemic kung owa ro mga tawong una sa likod it anang kadaeag-an.
Nag-umpisa nga mag-ensayo si Diaz sa idaeom it Chinese nga si Gao antes ro kadaeag-an kara sa 2018 Asian Games sa Jakarta.
Si Gao hay ro head coach it mga babayeng National Army team it China halin pa ko 1980.
Sa pihak nga parte, nagapanguna man ro China sa may pinakamaabo nga medalya nga ginakaeakipan it 11 nga bueawan, limang silver ag waeong bronze.
Sumunod ro host country nga Japan nga may 11 nga bueawan, ap-at nga silver ag limang Bronze.
Estados Unidos nga may napueong gold medal, 11 nga silver ag siyam nga bronze.
Russia nga may pitong bueawan, waeo nga silver ag ap-at nga bronze.
Samtang, ro Pilipinas hay una man sa ika-26 sa medal tally matapos nga makabuoe it sambilog nga gold medal.
