KALIBO, Aklan—Maga-umpisa eon sa adlaw it Biyernes ro pediatric vaccination para sa mga pamatan-on nga naga-edad 12 hasta 17 anyos.
Suno kay J-Lorenz Dionisio, nurse it Provincial Health Office (PHO)-Aklan nga pagahiwaton ro pagbakuna sa Dr. Rafael S. Tumbukon Memorial Hospital.
Bukas eon man sigon ro online registration para sa pediatric vaccination kung siin pwede eon nga i-rehistro it mga ginikanan ro andang unga nga naeakip sa nasambit nga age group.
Suno kay Dionisio, ro pagataw-an anay nanda makaron it prayoridad hay ro may mga comorbidities apang gin-engganyo gihapon kara ro mga ginikanan it mga healthy nga inunga nga ipa-rehistro ro andang unga.
Ro bakuna nga pagagamiton sa pediatric vaccination hay Pfizer ag Moderna bangud raya pa eamang ro nataw-an it Emergency Use Authorization (EUA) it Food and Drugs Administration (FDA) sa Pilipinas.
