KALIBO, Aklan—Naka-alerto eon ro Municipal Disaster Risk Reduction and Management Office (MDRRMO)-Kalibo sa ginaeauman nga pagland fall it bagyong Odette sa pilang lugar sa nasyon.
Suno kay Mr. Terrence Jun Toriano, Head it MDRRMO-Kalibo, nagplastar eon sanda it pila ka mga plano para sa igapatigayun nga operasyon engkaso nga mag-agi ro bagyo maeapit sa Panay Island.
Kadungan kara, strikto man ro andang pagmonitor sa kahimtangan it panyempo ag mga kasubaan.
Ginpa-alerto man sigon nanda ro mga kabarangayan eabi eon ro maeapit sa low-lying areas agud nga masiguro ro kaeowasan it publiko.
Samtang, haum eon man ro family food packs it Provincial Social Welfare and Development Office para sa relief operation.
Nasayuran nga nagsueod eon sa Philipine Area of Responsibility (PAR) ro bagyo pasado alas-7:00 makaron nga gabi-i.
