-- ADVERTISEMENT --
KALIBO, Aklan–Nakarecord ro Provincial Health Office ukon PHO-Aklan it kabilugan nga 15 ka mga kaso it firecraker related injuries umpisa alas-6 it agahon it disyembre 21 hasta alas-6 sa hapon it Enero 1.
Suno kay Provincial health officer Dr. Cornelio ‘Bong’ Cuatchon Jr. it PHO-Aklan nga 4 sa mga biktima hay naeukpan it whistle bomb, tig-3 sa five star, boga ag fuetes, ag 1 sa triangulo.
Samtang an-om sa mga raya ro owa pa natumod kung anong klase it paeupok ro andang gingamit.
Sa makarun hay lima ro nagapabilin nga naka-admit sa ospital matapos nga maangkon it pilang ka mga lastro sa kaeawasan.
Kaabuan sa mga biktima hay nakaangkon it lastro sa andang mata ag alima samtang may una man nga nautod pa ro anang tudlo.
-- ADVERTISEMENT --
