KALIBO, Aklan—Gin-uean it nagkaeain-eain nga reaksyon ag opinion ro facebook post ni Kagawad Mark Sy it Brgy. Poblacion, Kalibo angot sa anang sentimiyento sa Ati-atihan bazaar.
Suno kana, bukon pa it tyempo para ibalik ro kapareho sa dati nga mga aktibidad kada Ati-atihan Festival bangud una sa gihapon ro paeag it COVID-19 pandemic.
Masami sigon nga ginadagsa it maabu nga pumueoyo ro bazaar rason nga owa raya nagakabagay makaron nga tyempo it pandemya bangud pwede raya nga maging super spreader event.
Dugang pa ni Kagawad Mark Sy nga maghalin pa sa nagkaeain-eain nga probinsya ag rehiyon ro mga bolante rason nga mabudlay mag-risgo para sa kaeuwasan it publiko.
Indi sigon dapat maging kampante sa baylo hay mas pang pabaskugon ro pag-instrikto ag sundon ro ginapatuman nga health and safety protocols.
Ginklaro pa kara nga owa it eamud pamulitika ro anang sentimiyento kundi para eamang sa kamaeayran it kaabuan.
