KALIBO, Aklan—Ginaselebrar it mga residente sa Taiwan ro Valentine’s Day sa kada pagpatak it buean it Agosto.
Suno kay Bombo International Correspondent Mar-Jun Regalado it Taiwan nga ro buean it Pebrero hay makabig nga pag-obserba sa gihapon it mga residente idto it Chinese New Year.
Apang, kapareho sa Pilipinas ro Valentine’s Day hay ginataw-an man it importansiya it mga pomoeuyo sa nasambitan nga nasyon.
Dikara nga adlaw hay masami sigon nga makakita it mga magkarelasyon nga naga-date.
Nauso man ro pagtao it bueak ag pagpreparar it surprisa sa andang mga mahae sa kabuhi.
May mga una man nga couple nga mas ginapili ro pagdate sa mall.
Ro mga hotel hay nagatanyag man it promo ukon sale.
Samtang, may mga mag-asawa man nga owa it unga ro naga-adto sa templo agud nga magpangamuyo.
