KALIBO, Aklan—Nag-abot eon sa 1,219 ro mga unga nga naga-edad it lima hasta onse anyos ro natigayon eon nga mabakunahan kontra sa COVID 19 sa bilog nga probinsiya it Aklan.
Raya hay sa unang tatlong adlaw it rollout sa nasambit nga age group umpisa Pebrero 15 hasta 17 nga ginpatigayon sa NVC gym.
Apang, ginklaru it Provincial Health Office ukon PHO-Aklan nga temporaryo nanda nga pagapunduhon ro andang resbakunakids bangud nga owa pa nag-abot ro bulto it supply it bakuna.
Hasta eon lang it Biyernes, Pebrero 18 ro andang ginpatigayon nga vaccination sa ACC gym ag posibleng uman nga magapadayon sa oras nga mag-abot eon ro mga bakuna sa katapusan it makaron nga buean ukon sa Marso.
Nasayuran nga may presensiya it mga pediatrician ag iba pang local health official sa vaccination site agud nga masiguro ro kaeowasan it unga.
Hugut nga ginabawae ro walk-in ag kinahangean nga magpa-rehistro.
Sa mga interesadong ginikanan, pwedeng mag-agto sa Facebook page it Aklan Provincial Health Office ag magpa-register sa tinyURL.com/aklanresbakunakids.
Maghueat eamang sigon it text message para sa schedule antes nga mag-agto sa vaccination site.
