KALIBO, Aklan—Gindayaw ni Bombo International Correspondent Greg Aguilar it California U.S.A ro ginapakita nga kaisog ni Ukrainian President Volodymyr Zelenskyy agud nga sokean ro pagpang-atake it nasyon nga Russia agud nga daeayon nga masakop ro nasambitan nga nasyon.
Suno kay Aguilar nga maabong mga maintok ag gamhanan nga nasyon makarun ro nagpabor sa Ukraine bangud sa pagiging determinado ni Zelenskyy agud nga indi maging madinaeag-on ro mga Russian military sa andang pagpang-atake.
Samtang, sa makarun hay nadugangan pa sigon ro mga ginpasaka nga economic sanction kontra sa Russia.
Kaibahan kara ro pagnaba it value it andang kwarta kontra sa dolyar.
Samtang, padayun man sigon makarun ro pagpakita it suporta ni US President Joe Biden sa Ukraine kaibahan kara ro pagpadaea it kapin sa 350 million nga balor it mga kagamitan nga puweding magamit sa pakikipag engkuwentro.
