Kumpara sa ordinaryong saging nga ro iba hay naga-abot sa napueong pulgada ro haba, ro saging sa sangka barangay sa Iloilo City hay naga-abot sa haeos 20 pulgada ukon kasing haba ag bahoe it butkon it sangka unga.
Ro higanteng saging hay ginapanag-iyahan it pamilya ni certain Florencio sa Barangay Mabuyo sa Sta. Barbara, Iloilo.
Suno kana nga gintau eamang kanda ro nasambit nga puno it saging ag nakibot sanda kat makita nga mabahoe ro bunga kara.
Sang beses ukon daywang beses man sigon raya nga nagabunga sa sueod it sang dag-on.
Ginpaathag it mga eksperto nga ro giant saging hay bukon gid man it saging kundi nga “Tindok,” nga halin man sa pamilya it saging.
Manami sigon nga eahaon anay ro tindok antes nga kaunon.
Mataeupangdan man sigon ro kina-iba sa kulay ag texture it sueod it giant saging kumpara sa ordinaryong saging.
Suno sa nutritionist, bugana sa vitamin B6 ag dietary fibers ro saging nga mayad sa digestion ag blood sugar regulation.
May una man raya nga potassium ag magnesium para sa muscle contraction ag heart health support.
Apang sa kabahoe it giant saging, triple ro nutrisyon nga mabo-oe kara rason nga hinay-hinay dapat sa pagkaon.
Nasayuran nga ro Pilipinas hay kaibahan sa mga nasyon may pinakamabahoe nga produksyon it saging.
