Nagaeaum ro majority group sa Kamara nga makabilog ro Regional Tripartite Wages and Productivity Board it kabaton-baton nga kantidad it pagpatas sa sweldo sa andang nasakupan.
Raya hay angot sa mandu ni Labor Secretary Silvestre Bello III sa RTWPB nga i-review ro daily base pay ukon ro minimum wage it mga trabahador ag empleyado sa tanan nga rehiyon sa nasyon.
Nagapati ro sekretaryo nga ro owa it pundo nga pagtaas sa presyo it langis nga ginpa-grabe pa it presenteng krisis sa Ukraine hay magapa-obliga sa mga wage boards nga magrekomenda eon it adjustments ukon pagpatatas sa minimum pay it mga trabahador.
Ginpaburan it pilang kongresista ro posisyon it Department of Labor and Employment (DOLE) nga ro presenteng minimum wage sa National Capital Region (NCR) nga P537 pesos hay indi eon makasarang sa pang-adlaw adlaw nga kabuhi it mga obrero bangud sa mataas nga presyo it mga nagapangunang kinahangeanon kapareho it pagkaon, kuryente ag tubi.
Nagpahayag man it kahauman ro Kamara nga magabulig sa gobyerno agud nga mag-apruba it mga proposisyon nga makabawas sa epekto it oil price hike.
