Pagapangunahan ni Tokyo Olympic gold medalist Hidilyn Diaz ro 13-member weightlifting team nga magapasakop sa Vietnam Southeast Asian (SEA) Games.
Makaibahan kara sanday Fernando Agad Jr it men’s 55 kg, Rowel Garcia it men’s 61 kgs, Nestor Colonia it men’s 67 kg, Lemon Denmark Tarro it men’s 73 kgs, John Kevin Padullo it men’s 89kg, John Dexter Tabique it men’s +89kg, Mary Flor Diaz it women’s 45kg, Rosegie Ramos it women’s 49kg, Margaret Colonia it women’s 59kg, Elreen Ann Ando (women’s 64kg), Vanessa Sarno (women’s 71kg) ag Kristel Macrohon (women’s +71kg).
Paga-ibhan sanda it mga coaches nga sanday Gregorio Colonia, Gary Hortelano, Nicolas Jaluag ag Patric Lee.
Ginpagguwa it Samahang Weightlifting it Pilipinas ro pinal nga listahan matapos ro pagpatigayun it mga serye it qualifying tournaments sa Zamboanga City, Cebu City ag sa Muntinlupa City.
Nasambit nga 13 nga mga weightlifters hay an-om sa mga raya hay nakabuoe eon it medalya ko 2019 SEA Games nga ginhiwat sa nasyon.
Pagahiwaton ro weightlifting competition sa Mayo 19 hasta 22.
