Kalibo Aklan ———–Pilang adlaw antes ro pag-umpisa it campaign period sa lokal nga lebel, ginpasiguro it Philippine National Police (PNP) nga preparado sanda agud nga masiguro ro seguridad it tanan.
Suno kay Plt. Col. Arnel Solis, tagapaghambae it Police Regional Office (PRO-6) nga may una sandang maayos nga koordinasyon sa taeatapan it Commission on Elections (Comelec).
Samtang ro mga ginaeauman sigon nga mabahoe nga campaign rally hay nagakinahangean man it tamang koordinasyon sa Comelec apang , pag-abot sa seguridad hay haom sigon ro mga otoridad nga magbantay.
Nasayuran nga sa Marso 25, adlaw it Biyernes hay ginapasugtan eun ro mga kandidato sa lokal nga posisyon nga makapangampanya .
Sa Western Visayas may unang pilang ka mga hot spot area samtang sa probinsya it Aklan hay ro banwa it Libacao eamang sigon ro andang hugot nga ginatutukan bangud sa paeag it komunistang grupo.
Sa pihak kara, ginapasiguro it PNP nga owa it dapat nga ikahadlok ro publiko.
