Uman nga nabuoe ni Serbian tennis superstar Novak Djokovic ro World No.1 rank sa men’s singles rankings it Association of Tennis Professionals ukon ATP.
Raya hay apisar nga owa imaw nakahampang sa BNP Paribas Open tournament sa Indian Wells.
Madumduman nga naduea sa nasambit nga 20-time Grand Slam champion ro no. 1 place sa ATP men’s singles world rankings ag naadto raya kay Russian contender Daniil Medvedev ko Pebrero.
Sa rayang kahigayunan, first time ni Medvedev nga mapangaeanan bilang World No. 1 ag imaw man ro unang player nga nakabuoe it nasambit nga rank mag-euwas kanday Djokovic, Roger Federer, Rafael Nadal, ag Andy Murray.
Apang, bangud napierde si Medvedev sa Round of 32 sa Indian Wells Masters, nabuhinan man ro anang nga puntos ag na-retain ni Djokovic ro No. 1 ranking.
