NATO ag G-7 leaders, nagkasugot nga pabaskugon pa ro alyansa bilang pagsuporta sa Ukraine

Nagkasugot ro NATO allies ag G-7 leaders nga pabaskugon pa ro andang alyansa bilang pagsuporta sa Ukraine makaron nga kasagsagan it pakikibaka kontra sa Russia.

Raya hay gintalakay it mga lider it mga nasyon nga miyembro it nasambit nga alyansa sa andang ginpatigayun nga emergency meeting kabi-i.

Matapos ro ginpatigayun nga pagpueong hay gin-anunsyo it mga lider it 30 NATO allied nations nga nakataeana sanda nga magpadaea it ap-at nga battlegroups sa Bulgaria, Hungary, Romania ag Slovakia, bilang dugang sa mga nakaposisyong pwersa sa Baltic countries ag Poland.

Pagapabaskugon man it alyansa ro andang eastern flank sa pamaagi it pagdugang it mga jets ag carrier strike groups kamana man ro mga submarines ag combat ships.