Sangka Vietnamese ro gin-rescue it Thai fishing boat matapos kara nga testingan nga magbugsay halin sa Thailand paadto it India gamit eamang ro sangka inflatable boat!
Ko Marso 23, nakabaton ro Royal Thai Navy it report halin sa sangka fishing trawler nga may nasip-eatan nga maisot nga inflatable boat sa Andaman Sea.
Sakay kara ro sangka eaeaki nga indi kantigo maghambae it Thai ukon English.
Bangud nga ubos eon ro daea nga tubi ag sangkiri eon lang ro baeon kara nga instant noodles, ginpasakay imaw sa fishing trawler.
Matapos nga i-turn over ro eaeaki sa Thai Marines, nasayuran nga imaw hay may pangaean nga Ho Huang Hung, 37-anyos ag sangka Vietnamese.
Suno kay Huang, ginhana nana nga magbugsay halin sa Thailand paadto it India para usuyun ro anang asawa nga daywang dag-on eon nga indi nana ma-contact.
Ko Marso 2, nagsakay it eroplano halin sa Vietnam paadto it Thailand si Huang ag pag-abot sa Bangkok Airport hay magasakay kunta imaw it connecting flight paadto it Mumbai, India.
Apang, owa imaw it Indian Visa rason nga na-stranded sa Bangkok.
Sa kagustuhan nga mausoy ro asawa, naisipan ni Huang nga mag-adto sa Pattaya ag idtu gin-umpisahan ro pagbugsay paadto it India ko Marso 5.
Bangud sa determinasyon nga mausoy ro asawa, humanga ro Thai Navy kay Huang ag ginpromisahan raya nga pagabuligan imaw nga mausoy ro anang asawa sa India.
