Nakahimo it Guinness World Record ro sangka runner sa California sa half-marathon kat makompleto ro karera sa sueod it daywang oras ag 19 minutos samtang ginatueod ro anang quintuplets sakay it stroller.
Nagdaeagan si Chad Kempel sa half marathon sa Oakland Marathon samtang ginatueod ro stroller sakay ro anang limang unga nga naga-edad it ap-at nga dag-on.
Natapos ni Kempel ro anang 13.1-mile run sa sueod it daywang oras ag 19 minutos halin sa target nga 2 hours and 30 minutes nga gintaeana it Guinness World Records.
Maskin nga mabug-at suno kana ro pagtueod it stroller eabi eon sa mga patakason nga karsada, apang ro nagpabaskog it anang buot hay ro pag-cheer kana it anang quintuplets.
Dati eon nga nakaangkon si Kempel it Guinness World Records sa pagdaeagan sa 10k race ag full marathon samtang ginatueod man ro anang limang unga.
Owa pa it plano si kempel nga magpundo sa pagpasakop sa mga karera sa ulihi nga mga paniempo kaibahan ro anang mga unga.
