Gin-abisuhan ni Department of Energy (DOE) Oil Industry Management Bureau Director Atty. Rino Abad ro publiko angot sa posibleng dere-deretso nga pagtaas sa presyo it langis.
Suno kana nga raya hay bangud sa epekto it pagtaas it import cost sa nasyon.
Indi pa sigon mahambae kon magataas man ro presyo it LPG bangud nga nakadepende raya sa magiging daeagan it presyo it krudo.
Naga-abot eon sa 19 dollars per barrel ro ginsaka it diesel umpisa ko nagtaliwan nga mga domingo.
Sa makaron hay kapin sa 144.10 dollars ro presyo it diesel base sa world market.
Samtang, suno sa International Energy Agency (IEA) dapat nga eauman nga umpisa makaron hasta sa Abril, indi anay magabakae it Russian oil halin sa andang target nga 3 milyon barrels bangud sa padayun nga tensyon it Russia ag Ukraine.
Owa man raya naaprubahan bangud nga tunga ro panan-awan it European Union (EU).
