Haum sigon ro Commission on Elections (Comelec) maskin mag-abot pa sa manual ro hueoyapan sa resulta it eleksyon sa Mayo 9.
Kadungan eon man raya it ginaeauman nga pagtao it andang law department it report kaangot it data breach sa bahin it Smartmatic, ro provider it elections software sa May 9 elections.
Sa pakikipag-angot it Bombo Radyo Philippines kay Comelec Commissioner George Garcia, ginpahayag kara nga owa it dapat ikabaeaka ro mga botante engkaso nga makaangkon it aberya sa bahin it provider nga Smartmatic bangud maabu sanda nga nakapahaum nga option ukon plano.
Kadungan kara, ginpasiguro ni Garcia nga owa it data breach nga natabo sa bahin it komisyon.
Una kara, ginpahayag ni Garcia nga ginahueat eon man nanda ro report it National Bureau of Investigation (NBI) angot sa nasambit nga isyu.
