Ginsaksihan ni AFP Chief of Staff General Andres Centino kaibahan sanday Northern Luzon Commander Lt. Gen. Ernesto Torres Jr. ag Balikatan 2022 Philippine Exercise Director Major General Charlton Sean Gaerlan, ro ginpatigayun nga Combined Arms live-fire Exercise (CALFEX) kahapon sa Colonel Ernesto Ravina Air Base sa Capas, Tarlac.
Sa parte it Amerika, nagtambong sa nasambit nga event si U.S. Army Colonel Joshua Bookout, Commander it 3rd Infantry Brigade Combat Team ag Colonel Jeffrey Vanantwerp, Deputy Commander for Operations it 25th Infantry Division of the US Army.
Ro CALFEX ro sambilog sa mga kaibahan nga aktibidad sa ika-37 RP-US joint military exercise Balikatan 2022.
Kaibahan sa mga nagpasakop sa ehersisyo ro Philippine Army 1st Brigade Combat Team gamit ro Armoured Personnel Carriers nga May remote control weapons system, ag 105MM Howitzers; ag Philippine Air Force Super Tucano planes.
Suno kay Gen. Centino, mag-euwas sa pag-hasa it inter-operability it mga Pilipino ag Amerikanong soldado, ro pag-ensayo hay manami man nga kahigayunan agud nga ma-testingan ro modernong armas nga ginbakae it AFP.
