-- ADVERTISEMENT --
Ginpamalibaran it Ukraine ro naging akusasyon it Russia nga nagapatigayun raya it air strike sa fuel depot sa siyudad it Belgorod.
Suno kay Security Council Secretary Oleksiy Danilov, owa it kamatuoran ro nasambit nga akusasyon it Russia base sa mga impormasyon nga andang natipon.
Gin-aku man kara nga presenteng nagapatigayun it defensive operation ro Ukraine kontra sa Russia apang owa raya nagakahueogan nga sanda eon ro responsable sa kada kinagamo nga nagakatabo sa teritoryo it Russia.
Matueopangdan nga nauna eon nga ginpahayag it defense ministry it Russia nga may daywang Ukrainian helicopters ro tumama sa pasilidad sa Belgorod.
