Sangka 40-anyos nga babaye sa Dublin, California nga ginkilaea sa pangaeang Brandy Leigh Jones ro naka-schedule ko Marso 28 para sa anang court appearance sa kasong pagpanakaw it saeakyan.
Apang, pag-abot nana sa courthouse, kabahoe ro pagkakibot it mga awtoridad nga ro saeakyan nga anang ginamaneho paadto idtu hay panibag-o man nga tinakawan nga behikulo!
Suno sa sangka pakikipag-angot sa Dublin Police Department Chief nga si Garrett Holmes, agahon it Marso 28 hay nakabaton sanda it report nga may gintakaw nga sangka van.
Na-locate nanda ro gintakaw nga saeakyan sa East County Hall of Justice ag gamit ro CCTV, nakibot sanda nga nagtambong it court appearance ro sakay kara nga nagahingaean nga Brandy Leigh Jones.
Mas pa sandang nakibot nga ro kasong ginapamatian para kay Jones hay grand theft auto.
Bangud kara, insigidang gin-aresto si Jones ag gindaea sa Santa Rita Jail.
