Inflation nag abot  sa 4.0%  ko Marso

Mas madasig ro paglobo sa mga presyo it baeak-eon  sa Pilipinas ko Marso, sa sueod it an-um  nga buean  suno  sa Philippine Statistics Authority (PSA).

Humampak ro inflation sa 4.0 % ko nagtaliwan nga buean, kumpara sa 3 porsyento ko Pebrero ag sa downward revised 4.1% ko Marso 2021.

Raya ro pinakamadasig umpisa ko Setyembre 2021 kun sa siin nailista ro 4.2%.

Sa sangka virtual briefing,  ginpahayag  ni National Statistician Claire Dennis Mapa nga ro “fastest print” hay nailista sa transport prices nga nagtaas it 10.3%, kamana man  sa presyo it gasolina nga sumipa sa 36.7%  ag diesel sa 58.0%.

Gina-angot man raya it Department of Energy (DOE) sa padayun nga kinagamo  sa tunga it  Russia ag Ukraine.