Sangka race car driver nga nabulag sa sangka aksidente may napueong dag-on eon ro nagtaliwan hay nakahimo it Guinness World Record pinaagi sa pagmaneho it customized car sa kadasigon nga 211.043 miles per hour.
Nagsueod si Dan Parker sa track sa Spaceport America para sa Truth or Consequences sakay it anang customized Corvette ag naeampasan ro Guinness World Record para sa fastest speed para sa saeakyan nga ginamaneho it naka-blindfold ukon may tabon ro mata.
Naabot ni Parker ro kadasigon nga 211.043 mph nga nagpierde sa dating record nga 200.51 mph.
Natigayon nga maabot ni Parker ro anang record sa ika napueong dag-on nga anibersaryo it anang pagkabulag sa sangka racing accident pinaagi sa paggamit it audio guidance system agud nga mabuligan imaw nga ma-control ro saeakyan sa anang attempt.
Nasayuran nga ro record attempt hay kaparte it National Federation of the Blind’s Blind Driver Challenge.
Nagaeaum ro grupo nga pinaagi sa kadaeag-an ni Parker hay ma-inspire ro mga bulag nga tawo ag ipakita sa bilog nga kalibutan ro potential it modern technology kapareho it pagmaneho it saeakyan agud nga mabuligan ro mga bulag nga mabo-oe ro sabeag sa andang adlaw adlaw nga aktibidad ag iba pang hilimuon.
