Haum eon sanday WBC, IBF welterweight champion Errol Spence ag WBA champion Yordenis Ugas sa andang nagahilapit nga pag-engkwentro sa Abril 16 sa Arlington, Texas.
Ginpahayag ni Spence nga indi eagi nana pagpatueogon ro Cuban boxer.
Samtang, sa parte man ni Ugas hay ginpasiguro kara nga pagakibuton nana ro bilog nga kalibutan sa pamaagi it pag-knockout sa 32-anyos nga American boxer.
Ulihing naghampang si Spence ko Disyembre 2020 kung siin ginpyerdi nana si Danny Garcia sa pamaagi it 12 rounds unanimous decision.
Nakataeana man kunta kara nga makasambuwa si Filipino boxing champion Manny Pacquiao ko Agosto apang bangud sa injury kara sa mata nga naangkon sa ensayo rason nga umatras imaw.
Ro 35-anyos nga si Ugas hay may record nga 27 daog, ap-at nga pyerdi ag may 12 knockouts samtang si Spence hay may 27 daog, owa it pyerdi ag may 21 knockouts.
