Bilog nga kalibutan dapat nga magpahaum sa posibilidad nga maggamit it nuclear weapons si Putin – Zelenskyy

Ginpaandaman makaron ni Ukrainian President Volodymyr Zelenskyy ro tanan nga mga nasyon sa bilog nga kalibutan nga magpahaum engkaso nga maggamit it nuclear weapons si Russian President Vladimir Putin sa giyera kontra sa andang nasyon.

Nagapati si Zelenskyy nga owa it haega kay Putin ro kabuhi it mga pumueyo it Ukraine.

Aminado si Zelenskyy nga apisar nga bukon man raya it matuod nga impormasyon apang posible raya nga matabo sa paeaabuton.