Aminado si Agriculture Secretary William Dar nga kinahang-ean pang mas mabaskugon ro integrated regulatory enforcement unit kapareho it Sub-Task Group on Economic Intelligence (STG-EI) ag ro first border protection it nasyon.
Ginpahayag raya ni Dar kadungan it promisa nga pagapabaskugon pa ro tikang it DA kontra sa korapsyon sa sueod it ahensya ag pagpasabat sa mga eakot sa smuggling it agri-fishery products.
Gin-insister ni Dar nga “systematic” problem eon ro smuggling sa Pilipinas rason nga padayun sanda sa pagtao it paandam sa mga opisyal ukon staff nga eakot sa nasambit nga isyu.
Sa pihak nga parte, nagpanawagan ro sekretaryo sa mga mamalidha nga magtao it budgetary support nga magapasugot sa Bureau of Customs ag DA nga maka-transition paadto sa mas centralized nga digital system para mas masuk-ean ro smuggling.
