Bag-ong weapons test ginlunsar it North Korea para mapabaskog ro andang nuclear capabilities – report

Nagpatigayun it test firing si North Korean leader Kim Jong Un sa andang panibag-ong klase nga tactical guided weapon nga tuyo nga pabaskugon ro andang nuclear capabilitites.

Suno sa report it state news agency it North Korea makaron nga adlaw it dominggo, nasayuran nga ro bag-ong tactical guided weapon system hay may “great significance” sa pagpamayad-ayad sa firepower it andang frontline long-range artillary units.

Owa eon man ginmitlang it KCNA kung kan-o ginpatigayun ro nasambit nga test firing.

Maskin ro mga opisyal halin sa Seoul ag Washington hay nagpahayag nga may una eon nga prediksyon nga makaangkon it testing sa mga nuclear weapons sa mga masunod nga adlaw.