BALITANG Espesyal —- Sa masobra sa 1,200 variety it mga pakwan sa bilog nga kalibutan, owa eon it mas magamahae pa sa Densuke black watermelon it Japan.
Ro Densuke watermelon hay makit-an eamang sa northern Hokkaido.
Mabusisi ag matrabaho ro pag-cultivate it nasambit nga pakwan rason nga 100 pieces eamang ro pwedeng anihon sa sueod it sang dag-on .
Bangud kara, ginakabiog raya nga “rarest watermelon in the world”.
Indi mausoy sa mga fruit stand ukon supermarket ro Densuke watermelon.
Sa mga auction sites eamang raya ginabaligya ag ginapasubasta sa mabahoe nga kantidad .
Ro pinakamahae nga Densuke watermelon hay nasubasta sa balor nga 750,000 Yen ko 2019.
Bangud sa COVID-19 pandemic nagnaba ro presyo kara apang nagapabilin nga pinakamahae nga variety it pakwan sa bilog nga kalibutan.
Kilaea ro Densuke watermelon sa makintab ag maitom raya nga panit .
Maagto ag masyadong matam-is ro sueod kara ag sangkiri eamang ro bosoe.
Suno sa mga nakasamit it nasambit nga variety, nabudlayan sanda nga magustuhan ro ordinary nga variety it mga pakwan bangud nga gina-usoy-usoy eon nanda ro kakaibang kanami it Densuke watermelon.
