-- ADVERTISEMENT --
Nasakop eon it Russian forces ro siyudad it Kreminna nga nahamtang sa nasidlangan nga bahin it Ukraine.
Ginpahayag raya ni Luhansk region governor Serhiy Gaidai sa sangka briefing kadungan it pag-aku nga napilitan man nga mag-atras ro Ukrainian military sa nasambit nga siyudad.
Sa makaron hay indi pa matumod kung mauno kaabu ro numero it mga namatay nga sibilyan apang base sigon sa andang official statistics hay ginabuebanta nga naga-abot raya sa 200 ag ginakabaeak-an nga madugangan pa.
Ro Kreminna ro kauna-unahang siyudad it Ukraine nga nasakop it Russian forces halin kat maglunsar raya it mga bag-ong pag-atake sa Donbas region sa eastern Ukraine.
