Ginahinyu it Department of Energy (DOE) ro rekonsiderasyon sa ginsuspindeng oil exploration activities sa West Philippine Sea (WPS).
Ro nasambit nga pahayag hay matapos nga ginmanduan ro oil ag gas firm PXP Energy Corporation nga punduhon ro andang exploration activities sa andang service contracts sa WPS hasta nga makabo-oe it uman it clearance sa Security, Justice, and Peace Coordinating Council, sangka government cluster nga nagadumaea sa political, diplomatic, ag national security concerns.
Ginmandu it DOE ko Abril 6, ro suspensyon it PXP Energy’s exploration activities para sa Service Contracts 72 ag 75, daywang sites sa Palawan.
Sa pihak kara, ginpahayag it malakanyang nga ginhunyu eon it DOE ro insigidang pagpadayun it mga aktibidad para i-explore ag i-exploit ro resources sa WPS.
Ginpahayag it DOE nga ro geographical survey sa WPS hay “perfectly legitimate activity.”
