-- ADVERTISEMENT --
Posible eon nga makahampang sa Korean Basketball League (KBL) ro mga Filipino Basketball Players bilang mga imports umpisa sa 2022-2023 Season.
Base sa Korean Sports Website Jumpball, ginpaeawig pa it KBL ro andang Asian Player Quota Program rason para mapaeakip ro mga Filipino players.
Ginklaro man it KBL nga indi sigon pagpasugtan nga magpirma ukon makahampang ro mga naturalized Filipino players ukon ro mga player nga gin-import it Pilipinas halin sa ibang nasyon.
Ro mga Filipino player nga pagabatunon sa KBL hay kinahang-ean nga nakahampang sa PBA ukon sa local league ag sambilog sa mga ginikanan kara hay kinahang-ean it Philippine Citizen ukon passport holder.
