Nahuli-cam ro makakilibot nga pagkahueog it sangka babaye sa tunga it naga-andar nga tren ag ko platform sa Argentina.
Apang ro babaye hay milagro nga nabuhi ag owa it anuman nga ginbatyag nga grabeng kahalitan sa eawas.
Makita sa bo-oe it CCTV camera sa train station sa Gonzales, Catan, Argentina ro babaye nga nakilaea eamang sa pangaean nga “Candela,” samtang sa platform.
Apang mataeupangdan nga naga-ekis-ekis ro anang pagtikang hasta nga naduea-an it balanse ag natumba.
Ensaktong nag-abot man ro tren ag nahueog si Candela sa tunga it daywang bagon.
Kat nag-aeabutan ro mga emergency responder ag guwardiya sa train station agud nga saturon ro kahimtangan ni Candela, nakita nanda nga raya hay buhi ag owa it grabeng nina sa eawas.
Suno sa mga awtoridad, eowas eon ro babaye ag nag-angkon eamang it minor injuries ag trauma.
Bumagsak sigon ro anang blood pressure rason nga nagbuyog ro ueo ag nalipong.
Maskin ro babaye hay owa nakasayod kon paalin imaw nga nakaeowas.
