-- ADVERTISEMENT --
Nagpasaeamat si North Korean Leader Kim Jong Un kay Outgoing South Korean President Moon Jae-In para sa pagpanikasog kara nga mapamayad-ayad ro relasyon it daywang nasyon.
Madumduman nga unang nagpadaea it sueat si Moon kung siin nagpromisa raya it padayun nga pagtinguha para maiplastar ro pundasyon it unification base sa andang joint declarations nga nabilog sa andang ginpatigayun nga summit ko 2018.
Nakabaehag sa kasueatan nga parehong nagpromisa ro daywang lider nga magapabilin ro andang relasyon samtang parehong nagatinguha nga may pag-eaum nga makabilog it mas manami nga pagsinaeayo ag kooperasyon.
Gindayaw man ni Kim ro pagpanikasog ni Moon para sa kamaeayran it anang nasyon hasta sa ulihing adlaw it anang termino.
