INTERNATIONAL News — Kapin sa 100 nga indibidwal ro ginapatihan nga namatay sa natabu nga pagsabog sa sangka illegal oil refinery sa Southeast Nigeria.
Suno kay Nigerian president Muhammadu Buhari, nagapatigayon eon man it search and rescue operation ro mga otoridad sa lugar agud nga mausoy ro iba pang mga naduea nga biktima.
Base sa imbestigasyon, masobra sa 20 nga mga trabahador ro nakaeowas sa insidente samtang gina-usisa pa ro rason it pagsabog.
Sa makaron, ginmanduan ni Buhari ro nation security forces nga tukibon ro motibo ag posibleng pangaean it mga suspek.
Samtang, ginpahayag ni Rivers state police spokeswoman Grace Iringe-Koko, natabu ro explosion sa boundary it Rivers ag Imo states sa sangka illegal oil refining depo.
Ginasugid nga pila sa mga eawas it mga namatay hay indi eon makilaea pa bangud nga masyadong sunog samtang ginhana it iba pa nga makaeowas kun sa siin nakita sanda nga nakasab-it sa mga puno.
“Several bodies burnt beyond recognition lay on the ground while others who may have attempted running for safety are seen hanging on some tree branches,” suno kay Koko.
