Nakataeana nga magdihon it petisyon ro sangka grupo it hog ag corn farmers angot sa gin-aprubahan nga rekomendasyon it Committee on Tariff and Related Matters nga panabaan ro taripa sa pilang mga baeak-eon.
Suno sa Pork Producers Federation of the Philippines (ProPork) ag Philippine Maize Federation Inc. (PhilMaize), mismong kay Pangueong Rodrigo Duterte sanda maga-apela nga indi eon magpagguwa pa it bag-ong mandato angot kara.
Indi man sigon raya makabulig sa ekonomiya it nasyon partikular eon sa mga bumaeakae.
Suno kana, ro tariff reduction hay bukon it manami nga senyales sa mga lokal nga mangunguma kundi mas ginapabatyag pa sigon kara nga owa it pakialam sa andang kamaeayran ro gobyerno bangud medyo ginapatay kara ro andang pangabuhian.
Una eon nga ginpahayag ni Agriculture Undersecretary for Policy, Planning, and Research Fermin D. Adriano nga ro naging desisyon it CTRM nga aprubahan ro nasambit nga rekomendasyon hay sangka mabakod nga tikang para malikawan ro kakueangan it suplay ag pagtaas it presyo it mga baeak-eon sa nasyon.
