Masobra sang libo nga bangkay, narekober sa Kyiv halin kat gin-atake it Russia ro Ukraine

Narekober ro kapin sa 1,150 nga mga bangkay it mga sibilyan sa Kyiv region sa Ukraine halin kat mag-umpisa ro naging pagsakop it Russia sa nasambit nga nasyon.

Suno sa pag-usisa it mga awtoridad, 50 hasta 70 porsiyento sa mga raya ro nag-angkon it mga tama it baril sa pilang parte it andang mga kaeawasan.

Ginpahayag ni Kyiv regional police chief Andriy Nebytov, kaabuan sa mga nakitang mga bangkay hay halin sa Bucha kung siin nasapwan ro ginatos nga  mga bangkay nga nakakalhit sa karsada.

Matueopangdan nga una eon nga gin-akusahan it Ukraine ro Russia ag ginpahayag nga ro Russian forces ro nagpatay sa nasambit nga mga indibidwal.