-- ADVERTISEMENT --
Nagboue ro Undefeated Japanese World Champion nga si Naoya “Monster” Inoue it daywang Filipino Boxer para anang maging sparring mate.
Raya hay sambilog sa anang pagpahaum sa nagahilapit nga unification fight kay Nonito Donaire Jr. nga nakataeana sa Hunyo 7 nga pagahiwaton sa Japan.
Kaibahan sa mga pinoy boxers nga ginboue ni Inoue hay sanday Kevin Jake “KJ” Cataraja it Cebu ag ro bag-ong Oriental Pacific Boxing Federation (OPBF) super Bantamweight Champion Pete “Thunder” Apolinar.
Ro nasambit nga rematch ni Inoue kay Donaire hay mahambae nga pinakamabahoe nga hampang sa anang career rason nga nagboue imaw it mga mayad nga boksingero.
