Ginmanduan ni Department of the Interior and Local Government (DILG) Secretary Eduardo Año ro Philippine National Police (PNP) ag lokal nga gobyerno nga maging mas istrikto sa pagpatuman it health protocols kontra sa COVID-19.
Ro mandu hay matapos makalista it mga pageabag, partikular ro mass gatherings nga nagtaas it masobra sa 5,000%.
Suno sa sekretaryo nga indi pwedeng uman nga makaangkon it COVID-19 surge sa nasyon maskin nga may una nga projection nga posibleng magtaas ro numero it mga kaso sa masunod nga mga buean ukon domingo.
Base sa report, umpisa Abril 15 nag abot eon sa 24,724 ro mass gathering violations ro nailista katumbas raya it pagtaas it 5,469% kumpara sa 13 nga insidente ko nagtaliwan nga domingo.
Nagtaas man ro “no physical distancing violations” sa 9,057 ukon 201% pagtaas halin sa 3,002 ko nagtaliwan nga domingo.
Samtang ro owa pagsuksok it face mask hay nailista sa 84,969 ukon 169% increase halin sa dating 28,622.
Bukon eon it makakilibot kon magtaas ro numero it mga pag-eabag bangud sa paghaeuga it restriksiyon sa pilang lugar.
Apang dapat nga mag obra man it pamaagi agud nga indi raya magresulta sa pagtaeapnan, eabi pa ag may nailistang bag-ong Omicron variant sa nasyon.
Kon pwede hay magsunod kita sa health protocols maskin pa nga haeuga eon kita nga nakakahueag.
Raya hay mabahoe nga bulig agud nga malikawan ro pagtaeapnan ag pag-eabag.
